|
|
本帖最後由 tonyleung619 於 27-9-2013 07:00 編輯
上次純文字分享打新BOSS既小心得之後,覺得幾過癮,所以今晚突發奇想,試下CAP圖整攻略,希望大家會喜歡
相信好多玩家都同我一樣覺得新BOSS好易打,因為佢郁得慢,出招硬直時間長,所以高手睇完哩篇野笑下就好啦,體諒下小弟真係好想整一篇自創既攻略送俾大家,唔讚賞都欣賞下我既努力啦LOL
廢話唔多講,新圖同上次改版一樣都係冰天雪地既場面,講番上回係雪魔神度拎番件貨終於運到去目的地,一開波就播開場動畫....
相信有特別兵種既玩家都會鐘意禁J制係動畫入面整古做怪XD
其實一開波好簡單,守住件貨物就得,2-3個人都守到既,(我懷疑件貨物係咪唔會爆XD)殺下屍仔草下錢升住技能先
去到3分20秒果陣柯林會叫直升機老鷹一號幫拖,佢話要等多一分鐘先黎到支援咁話
其實唔使一分鐘,去到4分0X秒果陣架直昇機就會因為風雪太大失事,咁就撞左個窿出黎,玩家就要射爆障礙物先可以繼續向前行,果陣D屍仔先唔會再跌落黎
繼續向前行就會見到殭屍犬出沒,對住佢地復活個位亂槍掃射草下美金啦LOL
咁過左水管位就入到間房既,會要你去裝C4爆破炸爛個閘,又係同前面一樣會跌D屍仔出黎,炸完向前行先會停
炸完個入口之後會入左一條隧道既,一路會係玩家上方跌D屍仔落黎,玩家要去發動部起重機先可以繼續情節,哩個時候又係向住隧道掃射草美金既時間....
留意屍仔會係兩邊攻入黎,基本上企係買野果度已經可以大殺四方,試過幾次由頭打到黎哩度0損傷LOL
倒數完之後起重機會上升,跟住劇情需要升到半路會好似玩跳樓機咁跌番落黎....
個人認為可以唔需要去起重機上面,可以留係條隧道入面打刷美金升下血,等隊友係下面開路,出左哩句野之後D屍仔就唔會出...可以繼續向前行
因為頭先升左血既緣故,其實基本上你有300~400血,跳落去都唔會死
跟住又經過一條管道落到地下,會見到一大堆屍係你下面行黎行去,其實哩個就係新圖最過癮既地方,可以盡情係上面SM屍仔刷美金,就算你遲入場都好,都可以係度極速升2MAX
咁行行下會有條管噴蒸氣阻住你,咁玩家就要行番後D去禁E關閉蒸氣,唔係就會比D蒸氣噴落去,跌落D屍群度等死LOL
不過唔小心跌落去點算?其實係管道出黎右手邊果個位會有條梯俾你上番去,大前提當然係玩家突破到包圍同時又唔會比D靠害既隊友射爆隔離D保羅獄長間接「TK」你
去到下一個重生點開啟閘門,再啟動貨櫃吊機就可以直搗黃龍打BOSS啦!!!
留意時間先跳....同埋卡到貨櫃係會扣血,掂到D激光更加唔使講....咁岩CAP到有位仁兄出事既一刻....名符其實「陰溝裡翻船」LOL
跟住啟動升降機等倒數,又係電梯門口同屍仔搏殺,又到左草美金既時候啦,通常哩D時候好多玩家就會派下槍(包括我在內)
跟住齊人入升降機就打新BOSS啦!!!
好啦,打哩隻BOSS之前同上一章一樣都係有開場動畫既....同MON HUNT似到十足十...
個人認為新BOSS根本係MON HUNT霸龍同魚龍既合體(再樣衰D)
送上新BOSS幾張大頭
簡單講下打BOSS果度既地形,正正方方空間感比較大,官網話「玩家可以到空中進行刺激的戰鬥」,以為可以無重力咁係天上打,點知係去排氣管上方企係度打...成個圖有大部分既地方有水防止玩家係空中跌落黎跌死,而地形入面既排氣管有部分係可以破壞既,到最後只有兩條橫樑同邊邊可以比玩家企上去.
一開波見到又有對白(可以無視),馬上9秒9走去搵開關禁E制飛上去再講,D裝置開關會分佈地圖既4隻角,用左一次就要等一陣先可以再用,通常為左避同其他玩家爭,我會走去遠D果2隻角禁E制飛上去...
咁哩個裝置應該預設左每次淨係比一個人用,如果你用果陣隔離有人/屍仔,OR你遲左一步,哩個「古惑既裝置」就會將你射去唔知邊度,又或者飛過龍,上唔到上面之餘仲會跌落D硬地度扣血,都見過唔少烈士(包括我)活生生跌死係硬地/屍仔頭頂,不過有時錯有錯著會射左你去一D矮D既排氣管上面,好似下面哩幾張圖咁,只不過果D排氣管係可以被破壞既,好快你就要落番地下搵路再上去....個人建議禁完E等佢出蒸氣果陣不妨拎近戰武器防身,殺死隔離D屍仔,增加成功到達排氣管既機會
當玩家成功上到去排氣管當然需要還擊,新BOSS有趣既地方係打佢背脊果塊肉(地中海)先會有明顯既傷害,同打麥碼西個胸腔會痛d既原理一樣,但唔同既係新BOSS打其他位置係完全唔痛既,咁就正正配合個新場打「空中戰」既需要,因為玩家要係高空先開始清楚見到果一撻「地中海」既所在地,然後發動猛烈攻擊/強力恥笑  ) 咁點先知打中要害呢?如果打中左果個要害,果個位係會閃一下既...
另外一個判斷位係玩家打中BOSS之後所得到既金錢,如下圖所示,假如玩家打唔中要害(下圖),中一次都係只會加1蚊,假如擊中要害(上圖),就會有幾十至幾百不等既美金,咁樣大家就會更能夠準確瞄準「地中海」啦
而新BOSS D招式其實好單調,一開波佢會黎一野爪擊(普攻),然後行到場既一角放「腐化飛虫攻擊」,虫仔避既方法好多,搵D排氣管擋住/係地面行已經避到好多,就算硬食亦唔足以令玩家即時死亡,因為一隻大約扣25血左右,真係一D都唔痛,不過要注意D飛虫有機會炸番玩家落地面,做成更大既傷害...
毒氣排放哩一招又係,係呢我稱呼哩招叫放毒屁,其實哩招同放飛虫都係比較常出既,都係針對係地面活動既玩家姐,哩招扣血快範圍廣,其實都係BOSS兩側,但施放時間都相對少,一般企4隻角,OR望住BOSS個頭退後已經可以完全避開......就算中,都未必一下死,下圖可以清楚睇到點樣避開D臭屁
其實哩2招對災厄已經有一定經驗/熟練既玩家只係屬於小兒科程度,哩隻新BOSS可以一擊致命既係佢果2招吞噬,亦都係重點要講既,先講空中吞噬,BOSS會放出大約3-4秒既旋風吸玩家落肚,其實要避好簡單,佢出哩招果陣,玩家係地面已經可以完全無視(下圖1),又或者企係角位既橫樑同BOSS保持距離(下圖2),咁樣既作用係無視旋風繼續打,就算俾BOSS既旋風吸走,都只係落番地下而唔會俾佢吸落肚,可以趁機會買子彈再飛上去再打,哩個係最完美既做法我試過比佢吸到咀邊好似中籃框咁彈走LOL....亦試過BOSS係橫樑正下方吸我,靠住條牢不可破既排氣管救左自己一命...
至於飢餓吞噬,其實同空中吞噬一樣都係將玩家食入肚慢慢扣血,不過哩招係針對地面既玩家,因為BOSS平時係行得比較慢,但佢出哩招果陣會好似MON HUNT野豬王咁突進,由一隻角沖去另一隻角(如下圖),將佢面前既玩家食晒落肚,要避既方法就只有離BOSS個血盆大口遠D,或者企上上面,希望唔好做佢晚餐LOL....
無聊帶大家睇下BOSS個口腔內部情況...係怒扣血又行得慢既情況之下裝晒3個C4等佢爆先走到,好多時700血都有機會死係佢個臭口入面,我懷疑入面應該有秒位,要再考證下...
成功逃出生天一刻,血量已經所餘無幾,更大機會既係比出面等你既屍仔KO...
所以俾BOSS吸落肚,除非玩家900血全滿,出到黎都應該要用一張治療劵,如果唔係就要等60秒重生,
 或者犧牲一張復活劵啦....
其實仲有一招係官網冇講,又或者可以當係普攻,新BOSS會不時舉起果對短得可憐既雙手拍落地下,令地形出現地震,作用同飛虫一樣都係想震番D玩家落黎,其實要避都好簡單,上到排氣管度打「空中戰」,最緊要控制自己要走位,遇到咩情況都好,盡量背靠牆壁痴到實一實,咁就可以立於不敗既境地啦
***重要提示,多D留意BOSS D出招前既小動作,如下面兩張圖所示BOSS抬頭就有機會拍地/空中吞噬!!!!!!!
最後講下拎咩武器適合打新BOSS,當然以狙擊類武器最好,準雷,貝西,弓哩D不在話下,離子槍,BG-11,SK-7,或者瞬殺者都係次選.其實廢嗡D講真係乜都得,打到地中海就已經SURE WIN
今次改版玩家都比較關心準雷同弓邊樣會好D,我拎過2樣武器打新BOSS黎做比較,用準雷打中要害會有15-18K既傷害,弓就會有11-13K既傷害,
但我個人偏好用弓打,因為機動性比準雷高,就算唔草力禁右CLICK一支一支箭射每支都有1K傷害,準確度就視乎玩得熟唔熟,其實有時同成班準雷打輸出都上到頭3就知把弓箭非同小可
今次既分享就到此為止啦,今次準備左成晚,邊打邊CAP圖,通宵黎打哩篇千字文,再加上插圖....唔敢話係咩精品文,真係獻醜,希望能夠幫到大家刷新BOSS....我都刷左40幾條脷出黎了
 |
評分
-
查看全部評分
|
[複製鏈接]
發表於 27-9-2013 06:57:14
收藏
轉播
分享
淘帖
支持
反對
變色卡