為食神探》劇透：心穎同香香爭仔跌落海

kit2234560

【on.cc東網專訊】 藝人岑麗香、黃心穎於現時播映的劇集《為食神探》中是一對好姊妹，劇中飾演唐嘉嘉的岑麗香與飾演周晴的黃心穎，原來讀書時曾經喜歡上同一個男仔，二人於幾年前因糾纏下，香香更撞親個頭搞到失埋憶，不過講到最慘的是，她竟誤以為自己對不起心穎，但其實只是心穎對不起她！

兩姊妹爭仔擘面

而於第15集（14/09）中，香香與心穎有一幕爭仔戲份。期間心穎跌咗落水，香香救她，亦差點兒被她拉落水，真係冇陰功！劇中心穎確實是一個壞女仔，本來已經有一位對她一條心的男朋友（梁烈唯飾演），但亦表現相當豪放，四圍溝仔，簡直係有啲short short哋！而心穎於劇中搶咗香香的前度後，更屈香香搶其男友，之後仲想搶埋香香的新男朋友馬國明，一對姊妹搞到咁，真係「該煨」！

日前兩女於活動中，齊齊上演「搶仔」，心穎與香香更拉着拍檔阮浩棕，而劇中同樣「狼死」的心穎非常大力，令阮浩棕坦言「有啲痛」！


心穎於劇中想搶走香香嘅男友馬國明。

心穎更搞到香香撞親個頭失憶。

馬國明情傾香香。

兩姊妹撕裂。

香香（左）同心穎講數。

心穎唔小心跌落海。

心穎爭啲扯埋香香落水。

嗌晒救命。

最後殺出個梁烈唯英雄救美。

心穎個角色喺劇中癲癲哋。

香香（右）同黃心穎 （左）日前喺活動上「爭仔」，令阮浩棕受寵若驚。