本帖最後由 ∼香B∼ 於 31-3-2013 13:18 編輯
前言:
唔知仲有幾多人記得我曾經講過意識流,都停左好一段時間,因為要溫書同埋無合適的素材,趁今日心血來潮再講講意識流的打法。今次要講的就係技能的慣性同埋破解方法。聽落好複雜?唔怕,等我慢慢道來。
=====================================================
技能慣性:
咩叫技能慣性?好似好深咁,其實唔難。 簡單D講就係多數人係某個情況多數會做的事。 再簡單D講,就係每個人PK的一D「習慣」 都係唔明?睇個例子就明晒。------------------------------------------
上圖係我同呂亙打的,一開場10秒倒數完之後,雙方下意識就出左攬雀及畫地,目的係想搶先手。 好多人玩校場一入場就急於搶先手 例如武當會狂禁初隱,明教會狂禁烽火,逍遙會驚濤/畫地 呢種就係其中一個慣性思維的例子。
-------------------------------------------
又例如呢到,好多人在下意識的情況下,面對各門派的連控,都會想不停咁"走佬",避過連控 例如逍遙天山武當會選擇瞬移,其他門派或者會選擇初隱,或者直接反控。 呢種情況都係我地所講的慣性思維。-------------------------------------------
再舉多個例,呢場係我同冰入打的。 當時逍遙已經對天山用左畫地同驚濤,所以天山可以馬上就開移花反擊,係呢到我只係單純開移花追擊,只係留左加速同踏雪,並無附加控技。 因為我知道逍遙已經用晒控技,鬥靈活性的話天山唔輸逍遙,所以即使我控技全部冷卻中,我都可以直接開移花作追擊。
=============================================================
破解方法:
既然岩先講左咁多玩校場常見的慣性思維,透過經驗累積,我地就可以係pk中,估對方下一步想點,提前對手一步作出破解。 呢種反慣性思維,其實就係意識流的最重要關鍵。------------------------------------
最好的例子,大家都預計到大家起手有可能會用控技搶先手 所以就係出控技的同時用初隱,出現左攬雀畫地全部被雙方的初隱避左。 捉到呢種慣性思維,就會係人地出技之前,諗到用相應的方法破解 (具體有咩方法,我第一講已經介紹左,初隱,輕功果類)。
另一個例子,我用點穴控住逍遙,去到控技完果時就馬上接初隱 因為逍遙當時滿怒仲係到,我就估佢好大機會會用驚濤反控,所以我就想用初隱去避驚濤 可惜逍遙無咁做到,佢反而係隱身。 或者佢都同樣預計到我會係控技完果時用初隱避佢驚濤,所以佢無急住用驚濤。 呢個就係反意識流的做法(果日聽妖嬌講的,聽落再深d-.- 其實都係果d野)
========================================================
小結:
其實校場好玩之處,就係當你捉到對方的慣性思維果種刺激感。 呢種兩個人之間的思想對碰,就係意識流打法最吸引人的地方,同時亦係連控打法永遠無辦法體驗的樂趣。
今次講的有d複雜,如果我講得1999唔清楚的話,歡迎係下面留言,我盡量解答。或者想隨時搵我@@,歡迎加入我地whatsapp群或者qq群,入面有唔少高手幫大家解答
|