我想變成一個外向既人

殘S影

我自已本身份人好害羞..
可能因為咁..所以識得唔多朋友
然後我就成日留係屋企打機..唉
我覺得我自已係一個內向既人
我觀察左一段時間..發現外向既人係多D朋友
我都好想好似佢地咁..
點先可以做個外向既人?
同埋我留意到好多外向既人都鍾意打藍球或者踢波
每當體育堂自由活動 我都係只敢打羽毛球
我驚佢地唔受我玩(其實我都無上去問過..因為我唔敢
我驚就算佢地受我玩 但係話我廢之類..
我知要做一個外向既人要主動..
但係講就易
唔通你無啦啦走去同人傾計咩..都唔知傾乜野= =
唉 ,, 教我點做個外向既人啦..

[ 本帖最後由 殘S影 於 8-11-2008 18:33 編輯 ]

絕情乂小源

樓主  你幾碎??
你想變得外向就同D FD出去玩多D
唔係成日係屋企打機!!

∼十濠仔十∼

始終...順其自然係最好 (太激進既做法人地可能會覺得反感)
強迫永遠冇好結果
你唯一可以做既 就係投其所好
咁樣係最容易得到別人既好感 而人地唔會對你有反感既行為
以上係我既經驗 希望幫到你

@CANNY@

做咩一 定要自己開朗??做個真實既自己米得咯!!!人與人既相處,講求既系緣分!!!合則來,不合則去吖嘛!!

Kaze''

講到外向其實得幾樣
唔怕差
多說話
多D同人講野

你搵得人多,人地自然會搵你

主動d@!!!!!!!
俾d信心!

夜神月．奇拿

教你一個小技巧...
先打好人際關系...
最好以幽默既說話方式...
玩樂朋友...講爛gag 也不驅
小技巧:  鐘意你呢句  (呢句有時講下...會俾大家多d互動性
最緊要都係....唔好怕醜...
俾多d信心自己吧...
或者試下對鏡講下野咁...
以上只係一點提議~

殘S影

哇 好多謝你地呀>"<
真係好想加哂你地人緣..
原來我一直都欠缺自信心..
好多謝你地提供既方法
我會照辨的!

08320832

我以前都好怕羞
而家都好左好多
之前都唔係好敢同人眼神接觸
試下講野果陣大聲d    唔好細細聲咁
假如有機會返工
有野唔明   可以試下問下同事

我驚就算佢地受我玩 但係話我廢之類

唔會既    唔識咪唔識   我唔覺得有乜大不了
大家一齊打下波之嘛
唔識咪順便叫佢教埋你囉
或者留意下d外向既人  睇下佢地係點

唔通你無啦啦走去同人傾計咩..都唔知傾乜野
試下fd搭fd咁識多d fd  之後一齊就有野講

[ 本帖最後由 08320832 於 11-11-2008 20:41 編輯 ]