樂古Nakuz

標題: 十大門派深入剖析--------第二期(明教,丐幫,少林) [打印本頁]

作者: ∼香Ｂ∼ 時間: 31-7-2012 10:26
標題: 十大門派深入剖析--------第二期(明教,丐幫,少林)
本帖最後由 ∼香Ｂ∼ 於 2-8-2012 09:59 編輯

前言：天羽的＂長氣＂分析來到第二期，首先先感謝支持我的人，花了那麼多心血寫了那麼久總算沒白費。廢話不多說，是次要分析三個近戰：明教，丐幫及少林

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

明教：
胸燃聖火的狂戰士，自怒火一出後便回歸最暴力打手的名列，至於這位狂戰士在天龍中該放在什麼位置？且讓我慢慢道來。
強度方面，明教在４石或以下偏強，由於４石時大家傷害和血量並不高，明教怒火的傷害放大便可以很有效地體現出來。４石平推大約4000-5000，血量大約在20萬血左右，而明教怒火尾數刀可以令傷害放大接近200%，配合炎龍，武魂等技能輕易打出3萬多的傷害，對於４石對手而言壓力甚大。但去到５石以上，儘管怒火的效果與屬攻傷害成正比，但隨著雙方血量的上升，明教已難以在控技內秒殺同級的其他門派。雖然難以秒殺，但仍會對對手造成大量傷害，把他打＂殘＂。同時，５石以上的明教怒火與天山移花相比，顯然是移花佔優，有國服玩家做過一個測試，當雙方輸出達到8000的臨介值時，移花造成的傷害就會比怒火高，因此，５石以上的怒火與移花硬碰是不明智的，反之亦然。

打造方案：
潛能方面，全體。無須多講，天山、逍遙這些身法門派也已經玩全體，明教的身法成長不高，體成長則比天山高，為何不玩體？多出來的血量可以令明教選擇後發制人，即當對手用盡封技後才開始怒火，避免怒火被瓦解。同時打大交亦可以體現血多的優勢。另外還有個重點，技能命中率不等於玩家自身的命中，玩家自身的命中只會影響到平推時的命中率，然而技能本身會有一個隱藏的固定命中率，例如明教的斗轉必中，火燒、水淹、血戰命中率較高，炎龍則偏低。又如天山的雪花和梅花，命中率奇低，無論多高命中，即使去打無量白猿，10次亦有2-3未擊中。由此可見技能命中率是有一個固定的數字在背後，而玩家自身的命中率無法影響。固有玩家會認為全身法能推高命中，保證怒火時每刀技能的命中率，這樣的思維是不正確的。
上石方面，沒多大疑惑吧，防裝：體閃抗身法；攻裝：火，命中，減抗，火；百搭裝：火，體，減抗（命中），火
裝備方面，防裝選體閃身。攻裝筆者亦建議可以副修多一門屬性，以增加自己攻擊傷害。所以選擇裝備的次序是：火＞體＞副屬＞命中＞身法＞外功

門派定位：
真的，明教只適合校場。在校場裡怒火，烽火等威力能最好的展現出來，奈何去到野外，明教的虎牙就像被卸去一樣，有心無力。先說清人，若然只是野外暗殺一人，明教還算可以，但如果要暗殺兩人以上，那明教只好無能為力，怒火只有１５刀，殺完一人後還有沒有刀數餘下？顯然是否定的。所以明教清人暗殺，便比不上天山，逍遙等門派。而群戰則更是明教的痛，明教最能幫上手的，便只有烽火和打怒。但你烽火冷卻過長，在冷卻期間明教該做什麼？衝到敵方陣地？大概２秒就送你進地府。呆站回技？你好意思麼？所以明教就如同其他近攻一樣尷尬，進和退都不是。而且死傷最多的亦是明教這些近戰，修裝備，土靈都是一大消耗品。所以明教在群戰中實力偏弱。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

丐幫：
金庸先生筆下第一大幫，奈何到了天龍裡就……自己看吧！
強度方面，丐幫在３級石時是最強的，４石級屬於中下。在３級石裡，大家傷害都是極弱，這時丐幫的＂直接傷害＂技便可以大展所長，成為高傷害的技能，同時由於低石中大家沒太多能力選擇極品裝備，所以丐幫的身法和體成長在低石裡亦是比較佔優的。但去到５石以上，丐幫雙屬攻加上外功門派的劣勢就顯露無遺了。雖然能在打造方面費些苦功，能讓傷害提升不少，但丐幫始終缺少爆發技，面對峨嵋，少林等門派丐幫真的束手無策。雖然丐幫擁有一身華麗的數據，但綜合能力筆者會編作下品。

打造方案：
潛能方面，全體。雖說丐幫身法成長僅次天山，但血量成長亦排名第二，所以選擇全體加點沒有問題。國服全６極限丐幫天衣無縫亦曾對丐幫該點身或體的問題撰文一篇，他說到自己全身加點接近３萬閃避，但與只有３萬５命中的玩家平推，命中率能達七成！引用他的話：為啥洗體力，想必這是丐幫唯一能走的路，在加上龍紋加成，體力必須要最大化。
上石方面，防裝：體閃抗身；攻裝：毒，命中，減抗，毒；百搭裝：毒，體，減抗（命中），毒
裝備方面，防裝：體閃身；攻裝，必須多修，火毒不能少，外加一門屬性，３修丐幫才是丐幫的出路，丐幫傷害實在墊底，若果不在副屬上努力，打人根本搔癢癢。所以丐幫必須多修以保證輸出。裝備選擇次序：火＝毒＝副屬＞體＞命中＞身法＞外功
武魂方面，毒，減抗，毒下限不能少，再加火，減火，和剩餘兩個屬攻。抗性什麼的就別理了，火下限可弄可不弄，視乎你火攻有沒有過千，若果不過千，就不建議弄了。上多一個副屬性更划算。

門派定位：
在校場，丐幫除了能打贏丐幫，還可以打贏哪個門派？真的，丐幫低輸出，低爆發，低機動性，注定在校場難以站住腳。野外暗殺就別說了，這麼低輸出低爆發低機動的門派，能殺誰？去到群戰，不少人說８０技＋神佑很恐怖，但事實是，十分鐘冷卻的神佑，你能用多少次？純８０技衝進人群，看是自己掉血快還是敵人掉血快。別看以為橫掃是神技，其實不然。橫掃的攻擊傷害接近平推，但攻擊頻率降低到1Hz，即每秒只有一次，比平推的頻率要低，不過優點就是群技和無miss。所以如果打丐幫時，把所有爆發技（如怒火，移花，中沖等）留到丐幫橫掃時用，丐幫處於散功狀態，只能和你硬碰，但你爆發力和輸出遠比丐幫高，這就讓８０技成為一把雙刃劍，吃虧的往往是丐幫。言歸正轉，丐幫群戰的作用仍然比明教，天山等近戰高，因為丐幫的門派制藥太給力，抗麻痺抗散功，完全剋死武當和逍遙這兩個群戰主力打手，而且丐幫的潛龍亦是群體控技，６秒失明無miss，令丐幫在群戰地位屬於近攻之次，最頂的仍是少林。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

少林：
峞巍高峻的嵩山少林，在現實中是萬種武俠的發源，然而在天龍實是一個後起之秀。
強度方面，既然筆者已說少林是後起之秀，就說明少林在６石以上才能發揮其真正實力。５石或以下的少林只是模稜兩可，血量和攻擊不出眾，跑得慢，控技少，被遠攻虐待的移動箭靶。但少林去到６石可謂大翻身，超高血量和傷害，這兩個天龍中最直接的決勝元素足以抵銷他的所有缺點。所以想要做到武禪宗師，金錢真的不能少，否則就只能做任人魚肉的小沙彌。

打造方案：
潛能方面，全體。還需要爭議嗎？？
上石方面，防裝，體閃抗。第四孔爭議較大，到底要身法還是抗，那要視乎自己有沒有深仇似海的仇人，有就把雙孔單抗，抗死他！若果沒有，而且你有能力上７石抗，上雙孔雙抗亦是不錯的選擇，至於該上哪種抗，就要視乎你們敵對主流打手的屬性了。若果你與世無爭，那麼就身法吧！溫鑑良身法的華麗數據亦是４孔身法的優點。
裝備方面，防裝體閃身；攻裝，少林就無須弄雙屬了，單玄加成再加韋哥放大，少林平推傷害已經有所保證！所以少林可以注重命中，身法，外功等屬性，選擇裝備上：玄＝體＝命中＞身法＞外功

門派定位：
在校場中，一句話：遠攻剋死少林，近攻被少林剋死。野外暗殺，一句話：想都不要想。群戰，一句話：坦克似的存在。群戰我當然不會講解這麼少，不然就會被扔雞蛋了。少林在群戰扮演的就是讓對手不知所措的角色。超高血量衝進人群，若果敵方不把全部火力放在少林上，根本打不死少林，只會白白浪費輸出和控技。但若把全部火力放在少林上，己方其他隊員便可以極安逸地打擊敵人。可能少林一死，對方已傷殘大半。如果蔑視少林，先不打他，少林高傷害就能配合己方集火目標，更快推倒對方主力。所以站在少林敵對而看，實是處於一個很矛盾的境地。打和不打都是不合適的，唯有事先聲明誰也別去動少林，靠逍遙畫地，武當攬雀，天山冰凝和寵物的附身附住少林，留到後期再解決。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

後記:睇來大家想我再寫多d,,不過真係無辦法-.- 要將一個門派分析到徹底真係要寫既話寫成日都未寫完,而且太深入既野老手都明白,我呢篇"攻略"只係for揀門派有困難既新手...btw,,你地如果想我寫進階攻略都可以留言既..我知道既一定會答你..基本上天龍所有野我都略懂,,除左生活技能!! 時裝,寵物,打交,幫派..基本上你諗到既,,我都識少少(除左生活技能,,我真係掂都無掂過- -),,想同我交流下既都可以係下面留言..大家理性討論

明天預告: 峨嵋,星宿

作者: 小小武當 時間: 31-7-2012 10:37
支持

作者: asd123088 時間: 31-7-2012 10:39
其實少林上閃會唔會浪費左d?

作者: hin1012 時間: 31-7-2012 10:41
其實玩過明教既人都知道明教既命中糸好重要
備的次序是：火＞體＞命中＞身法＞副屬＞外功
就算你高攻無命中都用,另外如果高屬介符可考慮放棄副屬外攻e兩樣
高石d閃高到呀媽都唔認得,唔要命中好難打
你仲要副屬先,我比你高屬,15刀miss7~10刀有咩用,要命中保障好多
明教15刀,命中永遠是優先

作者: ∼香Ｂ∼ 時間: 31-7-2012 10:45
本帖最後由 ∼香Ｂ∼ 於 31-7-2012 10:56 編輯

其實少林上閃會唔會浪費左d?
asd123088 發表於 31-7-2012 10:39 AM

唔上閃...唔通上內防- -? 20內防抵銷1點內功傷害..6粒6lv內防就抵銷左(1998*6/20=約600)傷害呢600傷害..人地攻擊浮動已經唔見左
而且內防可以靠衫,頭,肩,鞋等防裝強化..但係閃避得腰同鏈可以強化...你話邊樣抵d..

雖然少林真係好難閃到人..但係都無可能6石少林,,4萬幾命中但得果4000幾5000幾閃..睇到都唔舒服吧..

其實玩過明教既人都知道明教既命中糸好重要
備的次序是：火＞體＞命中＞身法＞副屬＞外功
就算你高攻無命中 ...
hin1012 發表於 31-7-2012 10:41 AM

命中閃避實在係唔穩定既因素,,我用個人經驗做例子..我玩過6萬命中,2萬閃既fafa,,,3萬8命中,萬2閃既天羽

fafa既6萬命中打1萬3閃左右既逍遙,可以連續miss3個控技,,平推5場,miss數量真係唔少..我真懷疑呢6萬命中係咪得個樣
反而得3萬8命既天羽打2萬閃既fafa,,移花下控技全中,,接近無miss

命中閃避呢d野太不穩定,,根本講唔清..當然,命中都唔可以低..所以我上石果到都講到身法石同命中必定要上,,5石明教keep到大約3萬5命中就夠了..再多都只係浮雲,,倒不如加強自身攻擊同血量呢兩個主決勝負既最關鍵元素

作者: bosco19961011 時間: 31-7-2012 10:45
聽日得兩個渣？？

作者: aH._.Kwan 時間: 31-7-2012 10:46
wa.做咩講到丐幫咁廢.

作者: ∼香Ｂ∼ 時間: 31-7-2012 10:53
本帖最後由 ∼香Ｂ∼ 於 31-7-2012 10:56 編輯

聽日得兩個渣？？
bosco19961011 發表於 31-7-2012 10:45 AM

咁剩返4個門派za嘛..無理由最後果日先講得1個...~_~

wa.做咩講到丐幫咁廢.
aH._.Kwan 發表於 31-7-2012 10:46 AM

真心說話,丐幫去到5石以上的確唔勁..呢個係我咁多年經驗話我聽
不過放心..去到天龍3,,丐幫就係180度大翻身...所以到時就可以踩我呢篇文寫得唔岩了xd

ps..呢幾日寫既攻略都係針對天龍2,,唔涉及天龍3..天龍3既門派強度亦會作改變..不過到時就唔輪到我寫了

作者: chanchikai1234 時間: 31-7-2012 11:00
點解冇天龍?
天龍太勁?;P

作者: 平平無奇的玩家 時間: 31-7-2012 11:05
少林玩到5石上好打得

作者: 倉鼠仔 時間: 31-7-2012 11:53
明教打大交真係咁無能？

作者: ∼香Ｂ∼ 時間: 31-7-2012 12:30
本帖最後由 ∼香Ｂ∼ 於 31-7-2012 12:41 編輯

點解冇天龍?
天龍太勁?
chanchikai1234 發表於 31-7-2012 11:00 AM

天龍最後一日寫..因為實在太多野講

明教打大交真係咁無能？
倉鼠仔發表於 31-7-2012 11:53 AM

以上都係小弟個人分析..唔同人都有唔同睇法..只要自己覺得好就OK..

作者: 笨蛋。琪 時間: 31-7-2012 12:41
橙色好難睇呀!!!!
-_-v

作者: ∼香Ｂ∼ 時間: 31-7-2012 12:45

橙色好難睇呀!!!!
-_-v
笨蛋。琪發表於 31-7-2012 12:41 PM

而家好無d...

作者: 笨蛋。琪 時間: 31-7-2012 12:46

而家好無d...
∼香Ｂ∼ 發表於 31-7-2012 12:45

都睇完喇-3333-

作者: andywilliam1 時間: 31-7-2012 12:52
其實我唔多同意明教打大交唔勁, 扣怒CD短對住咩門派都咁有用, 而且只要ec補併到位, 5石up既明教想死都有d難度, 畢竟體.身都唔差, 怒火烽火cd唔算長, 技能cd更加可以話好短, 即使無怒火打人都可以好痛。以我已前隻明教為例, 全5帶幾粒6既明教, 出到去野外好多時d人見到你無怒火就唔會理, 反而我覺得呢個係一個優勢。到時專追住人地d比較脆既控場來打, 怒火回完就殺其他派, 續戰力絕對唔算差。

作者: ∼香Ｂ∼ 時間: 31-7-2012 13:03

其實我唔多同意明教打大交唔勁, 扣怒CD短對住咩門派都咁有用, 而且只要ec補併到位, 5石up既明教想死都有d ...
andywilliam1 發表於 31-7-2012 12:52 PM

的確斗轉冷卻短,,係屬於明教一大優勢..不過我覺得明教同天山,丐幫等近攻都係處於比較尷尬既位置..因為打大交果時,好多情況下都會出現一條無形既"楚河漢界" 雙方遠攻係到對射..而近攻一旦想越過呢條界,,除左少林之外多數都係被秒既命運..而指揮果個都會首選衝前左既近攻作集火對象..所以我先會覺得明教係群戰真係唔好..其實我針對既並唔係明教本身..而係整個近攻(除左少林)..近攻打大交果陣就會遇到咁樣既尷尬之處,,進退兩難..

作者: 心隨風去 時間: 31-7-2012 13:16
回復 4# hin1012

我想講的是屬性欄命中數據高不等於技能命中率高技能嘅命中率喺唔關命中數據的高低只關符招技自身命中概率 命中數據只在平推上增加命中率

作者: andywilliam1 時間: 31-7-2012 13:34

的確斗轉冷卻短,,係屬於明教一大優勢..不過我覺得明教同天山,丐幫等近攻都係處於比較尷尬既位置..因為打大 ...
∼香Ｂ∼ 發表於 31-7-2012 13:03

當全部近攻一齊沖的話, 我諗丐幫慕容會更易俾人打吧...我覺得無人理既明教反而係一個好大既優勢

作者: 莫菁兒 時間: 31-7-2012 13:36

咁剩返4個門派za嘛..無理由最後果日先講得1個...~_~

真心說話,丐幫去到5石以上的確唔勁..呢個係我咁多年 ...
∼香Ｂ∼ 發表於 31-7-2012 10:53

話說好多人都打左360大翻身..
BTW想睇長D 特別係天山天龍@@

作者: 慕容不凡 時間: 31-7-2012 13:38
支持
希望繼續有好文

作者: 臭_發 時間: 31-7-2012 13:44
極之期待樓主更多剖析

作者: ∼香Ｂ∼ 時間: 31-7-2012 13:50
本帖最後由 ∼香Ｂ∼ 於 31-7-2012 18:19 編輯

話說好多人都打左360大翻身..
BTW想睇長D 特別係天山天龍@@
莫菁兒發表於 31-7-2012 01:36 PM

我遲d可能會專為天山再寫一篇超超超詳細既攻略帖,,只要你諗到我都可以寫落去..畢竟我都係天山小弟子之一

天龍我後日會寫,,會連同慕容一齊..因為天龍玩法實在太多,,我亦有唔少野想講...如無意外天龍應會係最長果篇
不過都要有人睇先得- - 無人想睇我寫來都晒精神!!

作者: fongkapan 時間: 31-7-2012 16:40
少林弟子用韋哥;P

作者: aH._.Kwan 時間: 31-7-2012 16:44
回復 8# ∼香Ｂ∼

14秒狗頭cd.#35

作者: 小小霸 時間: 31-7-2012 17:58
少林玩雙閃(5/6lv)點睇？

作者: ∼香Ｂ∼ 時間: 31-7-2012 18:19

少林玩雙閃(5/6lv)點睇？
小小霸發表於 31-7-2012 05:58 PM

唔好..fafa2萬閃 miss既效果完全唔明顯...6lv上身法會比較好..目的係增加命中同會防..或者你有仇家就雙孔單抗

作者: 小小霸 時間: 31-7-2012 19:03

唔好..fafa2萬閃 miss既效果完全唔明顯...6lv上身法會比較好..目的係增加命中同會防..或者你有仇家就雙孔 ...
∼香Ｂ∼ 發表於 31-7-2012 18:19

fafa is.....- -?唔明顯係咪一兩次架咋
聽講2萬閃已經好強特別峨嵋

作者: mandyteo 時間: 31-7-2012 19:07
轉貼當好文大陸一早有呢段文 :lol
仲要幾年前未出進階技個時既野
由殘體改做繁體打多一兩隻字就當原創
u9專區同多玩專區
自已睇

作者: 浪跡天涯002 時間: 31-7-2012 19:18
回復 1# ∼香Ｂ∼

我需要星宿-_-完全吾識玩sosad

作者: lhyedward817 時間: 31-7-2012 19:38
咩丐幫真係咁廢...唔通我真係選左擇門派

作者: ∼香Ｂ∼ 時間: 31-7-2012 19:48
本帖最後由 ∼香Ｂ∼ 於 31-7-2012 19:52 編輯

轉貼當好文大陸一早有呢段文
仲要幾年前未出進階技個時既野
由殘體改做繁體打多一兩隻字就當原創
u9 ...
mandyteo 發表於 31-7-2012 07:07 PM

真係笑死我..如果你搵到你所講既果篇文請你貼出來..否則就咪係展露自己智商下限

回復 ∼香Ｂ∼

我需要星宿-_-完全吾識玩sosad
浪跡天涯002 發表於 31-7-2012 07:18 PM

明天就會寫星宿了

不過有d人似乎唔相信係我原創..係咪要重新考慮下仲繼唔繼續寫呢,sosad

作者: lhyedward817 時間: 31-7-2012 19:52
回復 8# ∼香Ｂ∼

好似狗頭cd會減到得15,6秒???

作者: ∼香Ｂ∼ 時間: 31-7-2012 19:53

回復 ∼香Ｂ∼

好似狗頭cd會減到得15,6秒???
lhyedward817 發表於 31-7-2012 07:52 PM

係,,進階左之後狗頭會減到10幾秒..放心啦..到時就係丐幫翻身之時!

作者: 莫菁兒 時間: 31-7-2012 21:04

我遲d可能會專為天山再寫一篇超超超詳細既攻略帖,,只要你諗到我都可以寫落去..畢竟我都係天山小弟子之一 : ...
∼香Ｂ∼ 發表於 31-7-2012 13:50

i am your fans

作者: 莫菁兒 時間: 31-7-2012 21:04

轉貼當好文大陸一早有呢段文
仲要幾年前未出進階技個時既野
由殘體改做繁體打多一兩隻字就當原創
u9 ...
mandyteo 發表於 31-7-2012 19:07

無LINK無真相

作者: 浪跡天涯002 時間: 31-7-2012 21:22
回復 32# ∼香Ｂ∼

我比左個原創保證分數你:lol

作者: ∼香Ｂ∼ 時間: 31-7-2012 21:28
本帖最後由 ∼香Ｂ∼ 於 31-7-2012 21:32 編輯

無LINK無真相
莫菁兒發表於 31-7-2012 09:04 PM

算啦,都慣..D人唔抵得咪惡意中傷我...不如賭下..如果佢拎得出link,,要我點都得...拎唔出既,請當面同我道歉

吹呀,我就係自負,但對唔住,我有料,,我有能力有實力比我自負..
我所講既每句都係事實..54石天山單挑打贏全6星宿彩姬,打贏65石天山FAFA,立花,,乜野全6丐幫三仔全6明教火靈子我根本未驚過
你地覺得我吹水既,,歡迎見到我就避遠D,,我都唔想係自己post見到你地

剎神中傷我都算,,最悲哀既係一年幾來連自己最重視既人都竟然比佢地洗左腦,,覺得我係一味靠吹既人..我真係好想同你講,用下你個腦啦,,

作者: 浪跡天涯002 時間: 31-7-2012 21:35
回復 29# mandyteo

請於48小時內交出你認為的原創link。若然屬實，我會刪去原創評分並嚴懲樓主。

否則，我會以板規內重度條例對閱下作出緋謗他人罪的處分。

作者: 天使心 時間: 31-7-2012 21:36

前言：天羽的＂長氣＂分析來到第二期，首先先感謝支持我的人，花了那麼多心血寫了那麼久總算沒白費。廢話不 ...
∼香Ｂ∼ 發表於 31-7-2012 10:26

小弟玩明教都認同但本人上2體1身會更好另小弟覺得明教大交雖然唔勁但秒ec是一流一拉一打怒15刀可以拉下面既ec出黎打所以明教未必無用

作者: 浪跡天涯002 時間: 31-7-2012 21:37
回復 38# ∼香Ｂ∼

無問題。
呢件事我會處理，若然你真係比人屈，我會還你清白。

作者: ∼香Ｂ∼ 時間: 31-7-2012 21:46
本帖最後由 ∼香Ｂ∼ 於 31-7-2012 21:49 編輯

小弟玩明教都認同但本人上2體1身會更好另小弟覺得明教大交雖然唔勁但秒ec是一流一拉一打怒15刀 ...
天使心發表於 31-7-2012 09:36 PM

我始終唔喜歡將潛能點分散..因為潛能本身果200幾屬性並唔係最重要,,最重要既係潛能對修煉既加成...始終單一種潛能點法..先可以獲得最直接,最明顯既修煉效果..如果將潛能分散我就會覺得變左兩頭唔到岸,,血量唔會比全身有好大優勢,,但身法又唔及全身咁靚

我都無話明教完全無作用..我都認同明教既打怒同烽火實用性真係比較大..但烽火始終冷卻偏長..係烽火冷卻期間明教就好尷尬咁唔知做咩好...
至於你講秒EC..其實並唔現實..因為兩隊打交,,ec都會處於兩隊末端,,即使明教可以拉..頂多都係拉到人地隊伍既最前面,,而唔可以拉到己方隊伍入面

回復 ∼香Ｂ∼

無問題。
呢件事我會處理，若然你真係比人屈，我會還你清白。 ...
浪跡天涯002 發表於 31-7-2012 09:37 PM

真係好鬼火,,兩篇野都打左個幾鐘,,呢到加埋第一篇成6600幾字你估真係唔攰架?
btw...我兩篇分析係控制字數方面都幾犀利- - 咁岩都係3300幾字...

作者: 天使心 時間: 31-7-2012 21:47

回復 mandyteo

請於48小時內交出你認為的原創link。若然屬實，我會刪去原創評分並嚴懲樓主。

否則 ...
浪跡天涯002 發表於 31-7-2012 21:35

覺得你好霸氣

作者: 浪跡天涯002 時間: 31-7-2012 21:49
本帖最後由浪跡天涯002 於 31-7-2012 21:52 編輯

回復 43# 天使心

無計，始終板主身份做正經野要認真小小

回復 42# ∼香Ｂ∼

Sor，突然亂入打亂左你地良好討論。

但都請於48小時後通知我，我驚刷得太多符無左回事

作者: 天使心 時間: 31-7-2012 22:01

我始終唔喜歡將潛能點分散..因為潛能並唔係最重要,,最重要既係潛能對修煉既加成...始終單一種潛能點法..先 ...
∼香Ｂ∼ 發表於 31-7-2012 21:46

咁就要睇下明教是攻定守守比較有用同埋鋒火cd時間但長但明教cd技較快若5石人打人7-8千出技可以打到1m到所以小弟覺得明教打交不是講到無鋒火同打怒就好似唔大作用-_-

作者: 天使心 時間: 31-7-2012 22:02

回復天使心

無計，始終板主身份做正經野要認真小小

回復 ∼香Ｂ∼

Sor，突然亂入打亂左 ...
浪跡天涯002 發表於 31-7-2012 21:49

太帥了我偶像

作者: ∼香Ｂ∼ 時間: 31-7-2012 22:28

咁就要睇下明教是攻定守守比較有用同埋鋒火cd時間但長但明教cd技較快若5石人打人7-8千出技可以打到1 ...
天使心發表於 31-7-2012 10:01 PM

我知道明教,天山,慕容呢d門派攻擊係高..但我所講既重點係..除少林以外既近攻..都難以越過果條"楚河漢界" 即使比你過到去..你打到幾多下??我諗大概放完斗轉,火燒,水淹,炎龍就已經無左一半血甚至已經地府..比起其他企定定就可以射得開心既遠攻門派..近攻輸蝕既地方就係呢到...我從來無講過明教等近攻"完全無用" 我只係覺得佢地係群戰中作用唔及遠攻咁大,,近攻往往都係做炮灰既份...

作者: billyihy 時間: 31-7-2012 23:41
期待天龍

作者: 莫菁兒 時間: 1-8-2012 01:08

算啦,都慣..D人唔抵得咪惡意中傷我...不如賭下..如果佢拎得出link,,要我點都得...拎唔出既,請當面同我道歉 ...
∼香Ｂ∼ 發表於 31-7-2012 21:28

國服一篇野講1個門派都唔止1樓..

作者: ∼香Ｂ∼ 時間: 1-8-2012 10:01

國服一篇野講1個門派都唔止1樓..
莫菁兒發表於 1-8-2012 01:08 AM

我今次寫呢個系列用左書面語寫,,其實只係想你地睇得舒服d..口語寫咁長篇,你地會睇得好辛苦,,而且口語我d標點都係亂來- -廢事整到咁亂先用書面語,,結果就比人話抄國服 sosad

一係咁囉...你地有咩疑惑想我講下既咪係到留言...我試下針對性咁樣去寫咁就唔會再話我抄文啦

作者: 莫菁兒 時間: 1-8-2012 12:41

我今次寫呢個系列用左書面語寫,,其實只係想你地睇得舒服d..口語寫咁長篇,你地會睇得好辛苦,,而且口語我d標 ...
∼香Ｂ∼ 發表於 1-8-2012 10:01

打英文:lol

作者: ∼香Ｂ∼ 時間: 1-8-2012 15:32

打英文
莫菁兒發表於 1-8-2012 12:41 PM

好啊- - 前提係你比晒十大門派英文名..同埋d寶石叫咩名比我先- -

作者: 溫鑑良 時間: 1-8-2012 19:15
天乳飛度乃是逍服中最有心研究這遊戲的玩家,
上至國服,下至港服的都無一不曉
姑勿論當中的分析是對是錯,
其對天龍八部的熱誠絕對值得尊敬

作者: ∼香Ｂ∼ 時間: 1-8-2012 19:32

天乳飛度乃是逍服中最有心研究這遊戲的玩家,
上至國服,下至港服的都無一不曉
姑勿論當中的分析是對是錯,
其 ...
溫鑑良發表於 1-8-2012 07:15 PM

好耐無人咁叫我哈哈..其實我只係平時打大交同玩校場時觀察得多..同埋有自己諗法..可能會有人話我打機打上腦,,唔讀書果D...不過一個讀書差既人,會唔會有咁好文筆咁好分析力寫得出呢d野...所以中傷我既人要再加把勁搵其他野踩我了

作者: markmarco 時間: 1-8-2012 22:30
唔錯

作者: 浪跡天涯002 時間: 3-8-2012 17:08
Mandykao會員於48小時內未有提交任何對己方有效的資料以作出對樓主的指控。故此已扣減樂點40作懲罰。

如有上訴可pm通知本人。就這樣

作者: hitaeroplane 時間: 16-8-2012 09:49
我想問明教4孔上抗可唔可行?

作者: 小小霸 時間: 16-8-2012 09:55
有啲思想非常守舊既人仍然認為少林低攻

作者: 千夜` 時間: 18-8-2012 23:01

前言：天羽的＂長氣＂分析來到第二期，首先先感謝支持我的人，花了那麼多心血寫了那麼久總算沒白費。廢話不 ...
∼香Ｂ∼ 發表於 31-7-2012 10:26

明教是4石以上才會顯得強大,
4石第14/第15刀亦是可以打出2萬以上的傷害
野外雖然是比較差, 但如果野外6vs6以內明教作用還是後大

丐幫只能限在3石到5石強大
因為雙屬性攻.. 輸出遠比單屬底
丐幫雖然沒爆法技能,

團戰壓點丐幫作用是後大的,
一個丐幫掃過去敵人當然不怕,
可是有幾個丐幫一起壓, 給敵人的是一種無型的壓力

ps:團戰基本上是兩面抱團對射.. 不壓點近戰可以站在城內當城管...

作者: guyguyjoe 時間: 19-8-2012 18:13
我依家玩緊少林放左唔多錢落去
但一定去唔到5石最多全5544
如果轉近攻門派玩最好玩咩??

作者: ∼香Ｂ∼ 時間: 19-8-2012 18:16

我依家玩緊少林放左唔多錢落去
但一定去唔到5石最多全5544
如果轉近攻門派玩最好玩咩?? ...
guyguyjoe 發表於 19-8-2012 06:13 PM

5544..天山應該算係近攻最好選擇但如果你長玩..考慮埋天龍3..慕容會係唔錯選擇..丐幫都好強
推薦度;;慕容=丐幫>天山>明教>少林

作者: guyguyjoe 時間: 19-8-2012 18:37
仲有依家咩SER 最好重玩

作者: 122658043 時間: 23-9-2012 11:57
自己打?

作者: 049646 時間: 28-9-2012 15:48
明教打大交冇用?可笑全6屬明教開怒火平推都可以扣到20幾M血唔計怒火開無中加純陽1.2-1.3M 一下

作者: 049646 時間: 28-9-2012 15:50
少林高石唔會低攻

作者: kk5882 時間: 14-8-2013 21:20
好文btw我想自己整一隻全45天山大約應該向咩方向玩同埋有咩要注意？支持一下

作者: kk5882 時間: 14-8-2013 21:22
好文btw我想自己整一隻全45天山大約應該向咩方向玩同埋有咩要注意？支持一下

作者: ∼香Ｂ∼ 時間: 14-8-2013 21:24

好文btw我想自己整一隻全45天山大約應該向咩方向玩同埋有咩要注意？支持一下 ...
kk5882 發表於 14-8-2013 09:20 PM

多謝先...天山既話可以睇睇呢到
http://www.nakuz.com/bbs/viewthread.php?tid=4378180&highlight=
或者想知天山某d簡單既pvp技巧就可以去呢到
http://www.nakuz.com/bbs/viewthread.php?tid=4357625&extra=page%3D1

作者: kk5882 時間: 14-8-2013 22:02

多謝先...天山既話可以睇睇呢到

或者想知天山某d簡單既pvp技巧就可以去呢到
...
∼香Ｂ∼ 發表於 14-8-2013 21:24

其實你啲野我睇哂咁濟不過有啲唔太明

作者: ∼香Ｂ∼ 時間: 14-8-2013 22:16

其實你啲野我睇哂咁濟不過有啲唔太明
kk5882 發表於 14-8-2013 10:02 PM

有咩唔明就講出來我盡我所能解答

作者: kk5882 時間: 14-8-2013 22:21

有咩唔明就講出來我盡我所能解答
∼香Ｂ∼ 發表於 14-8-2013 22:16

唔該你先……一隻45天山嚟講要整幾錢左右同埋門派入邊見到你po出嚟都係話武當pk最勁？

作者: ∼香Ｂ∼ 時間: 14-8-2013 23:22

唔該你先……一隻45天山嚟講要整幾錢左右同埋門派入邊見到你po出嚟都係話武當pk最勁？ ...
kk5882 發表於 14-8-2013 10:21 PM

要整幾錢我答唔到你。。因為而家物價同我舊時差太遠。。但應該都要大約3000吧

對於邊個門派pk最勁。。我只可以講無最勁的門派只有最肯花心機鑽研的玩家。。
無可否認武當，天山，逍遙比其他門派既變化性比較大亦比較靈活可玩性較高

作者: kk5882 時間: 14-8-2013 23:24

要整幾錢我答唔到你。。因為而家物價同我舊時差太遠。。但應該都要大約3000吧

對於邊個門派pk最勁。。我 ...
∼香Ｂ∼ 發表於 14-8-2013 23:22

唔該哂你啦

打擾哂

作者: ∼香Ｂ∼ 時間: 14-8-2013 23:28

唔該哂你啦打擾哂
kk5882 發表於 14-8-2013 11:24 PM

我責任來。最緊要幫到你

作者: 莫菁兒 時間: 14-8-2013 23:28
原來咁快就一年

作者: ∼香Ｂ∼ 時間: 14-8-2013 23:29

原來咁快就一年
莫菁兒發表於 14-8-2013 11:28 PM

乜係咩~_~ 好似覺得寫呢篇野唔係好耐之前既事添

作者: 莫菁兒 時間: 14-8-2013 23:36
回復 76# ∼香Ｂ∼

我都有種咁既感覺

作者: ∼香Ｂ∼ 時間: 14-8-2013 23:37

回復 ∼香Ｂ∼

我都有種咁既感覺
莫菁兒發表於 14-8-2013 11:36 PM

時日太快無知的小孩一晚長大 lol

作者: nicklo 時間: 8-9-2013 01:23
天龍3就黎打群戰時這樣擺陣得吾得?明教作用有冇大到(如有45秒烽火)
(尾) ec  明教(明教烽火拉主力天山明教一齊打)
         天山
   天龍武當逍
(頭) 少林黑e

歡迎光臨樂古Nakuz (http://comcncontatcwww.nakuz.com/)